തെന്നിന്ത്യയിൽ ഏറ്റവും കൂടുതൽ സെലിബ്രേറ്റ് ചെയ്യപ്പെടുന്ന ദമ്പതികളാണ് സൂര്യയും ജ്യോതികയും. ഇരുവരുടേയും ഇരുപതാം വിവാഹ വാർഷികത്തിൽ വീണ്ടും വിവാഹതിരായി ആരാധകരെ അമ്പരിപ്പിച്ചിരുന്നു. ഇപ്പോഴിതാ മകന്റേയും മരുമകളുടേയും വിവാഹ വാർഷിക ആഘോഷത്തെ കുറിച്ചും 20 വർഷത്തെ ദാമ്പത്യ ജീവിതത്തെ കുറിച്ചും സൂര്യയുടെ പിതാവ് ശിവകുമാർ പറഞ്ഞ വാക്കുകളാണ് വൈറലാകുന്നത്. വിവാഹശേഷമുള്ള 18 വർഷക്കാലം തങ്ങളോടൊപ്പം ഒരേ വീട്ടിൽ കഴിഞ്ഞ് കുടുംബം പുലർത്തിയ ജ്യോതികയെയും, സ്നേഹബന്ധം കാത്തുസൂക്ഷിക്കുന്ന മകനെയും മരുമകളെയും പ്രശംസിക്കുകയാണ് ശിവകുമാർ. ജെഎഫ്ഡബ്ല്യുവിന്റെ അവാര്ഡ് ഷോയ്ക്ക് പങ്കെടുക്കാന് എത്തിയപ്പോള് റെഡ് കാര്പെറ്റില് സംസാരിക്കുകയായിരുന്നു അദ്ദേഹം.
'സിനിമയില് പല നായികമാരോടൊപ്പം അഭിനയിച്ചപ്പോഴും ആദ്യമൊന്നും ലവ്വ് എന്നത് സൂര്യയ്ക്ക് വന്നിട്ടില്ല. ആരെയെങ്കിലും പ്രേമിച്ചുകൂടെ എന്ന് അവന്റെ അമ്മ ചോദിച്ചപ്പോഴും, ഹേയ് അങ്ങനെ ഏതെങ്കിലും പെണ്ണിനെയൊന്നും പ്രണയിക്കാന് പറ്റില്ല എന്ന് പറഞ്ഞവനാണ്. അവസാനം ബോംബെയില് നിന്ന് ഒരു പെണ്കുട്ടി തമിഴ്നാട്ടിലെത്തി, അവളോട് അവന് ആ പ്രണയം തോന്നി. കല്യാണം കഴിച്ചാല് ഇവളെ മാത്രമേ കല്യാണം കഴിക്കൂ എന്ന ഒറ്റ വാശിയില് നാല് വര്ഷം അവന് കാത്തിരുന്നു.
SivaKumar Iyya about #SuJo ❤️beautiful 20 Years Anniversary | @Suriya_offl pic.twitter.com/QrYKNAgOIo
കല്യാണം കഴിഞ്ഞപ്പോള്, ജ്യോതികയ്ക്ക് വേണമെങ്കില് ബോംബെയില് സെറ്റില്ഡ് ആവണം എന്ന് പറഞ്ഞ് വാശിപിടിച്ച് സൂര്യയെ കൂട്ടി കൊണ്ടു പോകാമായിരുന്നു. പക്ഷേ ആ പെണ്കുട്ടി അത് ചെയ്തില്ല. കല്യാണം കഴിച്ച് ഇവിടെ വന്ന്, 18 വര്ഷം ഇവിടെ തന്നെ നിന്നു. നായികമാര് പൊതുവെ കല്യാണം കഴിച്ചാല് പ്രസവിക്കാന് തയ്യാറാവില്ല, എന്നാല് ജ്യോതിക കല്യാണം കഴിച്ച് രണ്ട് മക്കളെയും പ്രസവിച്ചു. അമ്മയും അച്ഛനുമായ ഞങ്ങളോടൊപ്പം തന്നെ ജീവിച്ചു. 20 വർഷം സ്നേഹം കുറയാതെ അവർ ജീവിച്ചു. അതുപോലെ ഒരു മകനെയും മരുമകളെയും ലഭിച്ചതിൽ സന്തോഷം; ശിവകുമാർ പറയുന്നു.
അതേസമയം, ഇരുപതാം വിവാഹവാർഷികത്തോടനുബന്ധിച്ച് ക്രിസ്ത്യൻ ആചാരപ്രകാരം വീണ്ടും വിവാഹപ്രതിജ്ഞ ചൊല്ലി വിവാഹവാർഷികം ആഘോഷമാക്കി താരദമ്പതിമാരായ സൂര്യയും ജ്യോതികയും. വിദേശത്തുവെച്ച് നടന്ന ചടങ്ങിൽ വെള്ള ഗൗണിൽ ജ്യോതികയും വെള്ള ടക്സീഡോയിൽ സൂര്യയുമാണ് എത്തിയത്. സെപ്റ്റംബർ 11-നായിരുന്നു ഇരുവരുടെയും വിവാഹവാർഷികം. മക്കളായ ദിയയുടെയും ദേവിന്റെയും കുടുംബാംഗങ്ങളുടെയും അടുത്ത സുഹൃത്തുക്കളുടെയും സാന്നിധ്യത്തിൽ നടന്ന ലളിതവും മനോഹരവുമായ ഈ ചടങ്ങിന്റെ വിഡിയോയും ചിത്രങ്ങളും സോഷ്യൽ മീഡിയയിൽ വൈറലാണ്.
Content Highlights: Actor Sivakumar praised his son Suriya and daughter-in-law Jyothika, describing it as a stroke of luck to have them in his family. His remarks highlighted his appreciation for the couple and their place in the family.